சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : அக் 15, 2018
Advertisement
 பேச்சு, பேட்டி, அறிக்கை

'ஓ... அதான், கட்சி துவங்கி, 25 வருஷமாகியும், உங்களால, தமிழக மக்கள் மத்தியில அங்கீகாரம் பெற முடியலையோ...' என கேட்க தோன்றும் வகையில், ம.தி.மு.க., பொதுச்செயலர் வைகோ அறிக்கை: பழனிசாமி தலைமையிலான, அ.தி.மு.க., அரசு, ஊழல் சேற்றில் மூழ்கி கிடக்கிறது. நெடுஞ்சாலை துறை ஊழல் குறித்து, சி.பி.ஐ., விசாரணைக்கு, உயர் நீதிமன்றம் உத்தரவிட்டுள்ளதால், முதல்வர் பதவியில் நீடிக்க, பழனிசாமிக்கு தார்மீக உரிமை இல்லை. அவர், முதல்வர் பதவியிலிருந்து விலக வேண்டும். ஊழல் அரசுக்கு முட்டு கொடுக்க நினைப்பவர்களை, தமிழக மக்கள் ஒருபோதும் மன்னிக்க மாட்டார்கள்.தமிழக, பா.ஜ., தலைவர் தமிழிசை பேட்டி: 'மோடி, அடிக்கடி ஏன் வெளிநாட்டு பயணம் மேற்கொள்கிறார்' என, காங்., தலைவர் ராகுல் கேட்கிறார். உலக நாடுகளின் ஆதரவு, நமக்கு கிடைத்தது எப்படி; மோடி ஓய்வின்றி, பல நாடுகள் பயணம் சென்றதால் தான். அவ்வப்போது வெளிநாடுகளுக்கு, ரகசிய பயணம் சென்று வரும், காங்., தலைவர் ராகுலுக்கு, இது புரிந்திருக்கும் என, நம்புகிறேன்.'உங்க மகன் ஒரு படத்துக்கு எத்தனை கோடி ரூபாய் சம்பளம் வாங்குறார்... அதுல, எவ்வளவு வரியா கட்டுறார்னு ஆதாரங்களை குடுங்களேன்... அதை பார்த்துட்டு, ஊழல் பத்தி பேசுற, 'தகுதி' உங்களுக்கு எல்லாம் இருக்கான்னு முடிவு பண்ணுவோம்...' என, கேட்க தோன்றும் வகையில், சினிமா இயக்குனர் சந்திரசேகர் பேட்டி: புஷ்கரம் என்பது அறிவியலின் அடிப்படையில் நடக்கும், ஆன்மிகம். எல்லா நட்சத்திரங்களும் ஒன்று சேரும் நாள் புஷ்கர நாள். ஹிந்து தர்மத்தில் நல்லவனாக வாழ பல வழிகள் உள்ளன. பிறப்பால் நான் கிறிஸ்தவனாக இருந்தாலும், முதலில் நான் இந்தியன். இந்தியன் என்றால் ஹிந்து. மதம் என்பது இரண்டாவதுதான். கங்கை உற்பத்தியாகும் இடத்திற்கு மூன்று முறை சென்றுள்ளேன். நடிகர் விஜய் அரசியலுக்கு வருவது, அவர் முடிவு. அவர், மக்களுக்கு நல்லது செய்ய நினைக்கிறார். அதனால், அவர் அரசியலுக்கு வரலாம். ஊழல் இல்லாத ஆட்சி கொடுக்கும் தகுதி, விஜய்க்கு உள்ளது.'தானாக பேசாமல், மண்டபத்துல யாரோ, எழுதி கொடுத்ததை பேசுறீங்களோ...' என கேட்க தோன்றும் வகையில், அகில இந்திய காங்., செயலர் சஞ்சய் தத் பேட்டி: பா.ஜ., அரசு, தமிழக மக்களை வஞ்சிக்கிறது. பழனிசாமி, பன்னீர்செல்வம் ஆகியோரை, மோடி, 'ரிமோட்' போல் செயல்படுத்துகிறார். பா.ஜ.,வும், அ.தி.மு.க.,வும் ஊழல் செய்து வருகின்றன. முதல்வர் பழனிசாமி மீதான ஊழல் குற்றச்சாட்டு குறித்து, சி.பி.ஐ., விசாரணைக்கு, நீதிமன்றம் உத்தரவிட்டுள்ளது. இதற்கு பொறுப்பேற்று, முதல்வர் பதவியை ராஜினாமா செய்ய வேண்டும்.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X