'டவுட்' தனபாலு

பதிவு செய்த நாள் : பிப் 25, 2018
Advertisement
  'டவுட்' தனபாலு

காந்திய மக்கள் இயக்க தலைவர் தமிழருவி மணியன்: ரஜினியை அரசியலுக்கு வர வலியுறுத்தி, திருச்சியில் மாநாடு நடத்தினோம். அவர், வந்து விட்டார். இனி, அவரை முதல்வராக முன்னிறுத்தி, காந்திய மக்கள் இயக்கம் சார்பில், கோவையில், மே 20ல் மாநாட்டை நடத்துகிறோம்.
டவுட் தனபாலு: நீங்க மாநாடு போட்டு, நெருக்கடி கொடுத்ததால் தான், அவரு அரசியலுக்கு வந்தாரா... இதற்கே பெருமை தேடும் நீங்க, நாளைக்கு ஒருவேளை அவர் முதல்வர் நாற்காலியில் அமர்ந்தால், 'மாப்பிள்ளை அவர் தான்... ஆனா, அவர் போட்டிருக்குற சட்டை என்னுடையது'ங்கற, ரஜினியின், 'டயலாக்' மாதிரி, 'முதல்வர் அவர் தான்; அதற்கு காரணம் நான் தான்'னு, நொடிக்கு ஒரு தரம் உச்சரிப்பீங்களோ என்ற, 'டவுட்' வருதே...!

நடிகர் ரஜினி:
அரசியலில், எந்த விஷயத்தையும் கவனமாக கையாள்வது அவசியம். மற்றவர்கள் சத்தம் போட்டால் போடட்டும்; நாம், வேலையை அமைதியாக செய்வோம்.

டவுட் தனபாலு: 'ஜாடைமாடையாய் கமலைத் தானே குத்திக் காட்டுறீங்க... நீங்க கொடுத்து வெச்சவரு... உங்களுக்காக, மாசம் ஒரு மாநாடு போட்டுப் பேச, தமிழருவி மணியன் மாதிரியான ஆட்கள் இருக்காங்க... கமலுக்கு அப்படியா, அவர் தானே கையை ஊன்றி கரணமடிக்கணும்... அரசியலில் இவ்வளவு கவனத்தை கையாளும் நீங்க, புதுப் படங்களில் வேகவேகமாக ஒப்பந்தமாவது மட்டும் எப்படி முடியுது'ன்னு, யாரும், 'டவுட்' எழுப்பிடாமல் இருந்தாச் சரி...!


ஜெ., அண்ணன் மகள் தீபா
: வரும் உள்ளாட்சி தேர்தலில் நாங்கள் போட்டியிட மாட்டோம். வேறு யாருக்காவது ஆதரவு தெரிவிப்போம். யாருக்கு ஆதரவு என்பதை, தேர்தல் நேரத்தில் அறிவிப்போம்.
டவுட் தனபாலு: உங்களுக்கு என்ன செல்வாக்கு இருக்கு என்பதே, கேள்விக்குறி... இதுல, யாரு உங்ககிட்ட வந்து ஆதரவு கேட்கப் போறாங்களோ... நீங்க, இன்னொரு கட்சியை ஆதரிக்க முடிவெடுத்தால், உங்களை முதல்வராக்க, தனியே ஒரு கட்சி நடத்தி வரும் உங்க கணவர் மாதவன், நிலைமை என்னவாகறது... இதைக் கொஞ்சம் யோசித்துப் பார்த்தீங்களா என்பது தான், மக்களின், 'டவுட்!'

தமிழக வருவாய் துறை அமைச்சர், உதயகுமார்:
முதல்வர் பழனிசாமி, காட்சிக்கு எளியவராக இருக்கிறார். நாள்தோறும் பல தரப்பினரும், அவரை எளிதில் சந்தித்து, பிரச்னைகளுக்கு பரிகாரம் காணும் நிலை ஏற்பட்டுள்ளது.

டவுட் தனபாலு: 'முதல்வர் பழனிசாமி, ஜெ., மாதிரி கிடையாது... இவரு ரொம்ப நல்லவரு'ன்னு சொல்ல வர்றீங்களா... இல்லை, 'ஜெ., ஆட்சியில் எந்தப் பிரச்னையும் இல்லை... அதனால, அவரை யாரும் சந்திக்கலை... ஆனா, இப்போது நிலைமை அப்படி இல்லை'ன்னு சொல்ல வர்றீங்களா என்பது தான், என்னோட, 'டவுட்!'

அ.தி.மு.க., செய்தித் தொடர்பாளர், வைகைச்செல்வன்: திரைப்படங்களில், பல பரிசோதனை முயற்சிகள் செய்து பார்த்த கமல், பல தயாரிப்பாளர்களை அதல பாதாளத்திற்கு தள்ளி உள்ளார். அவரது அரசியல் பிரவேசம், விஷப் பரீட்சையாகத் தான் முடியும்.

டவுட் தனபாலு: மொட்டைத் தலைக்கும், முழங்காலுக்கும் எதுக்குங்க முடிச்சுப் போடுறீங்க... லாபம் பார்க்க வந்த தயாரிப்பாளர்களை நஷ்டமாக்கியதை பத்திப் பேசும் நீங்க, சேவை செய்ய வந்து, அரசின் கடனை, பல லட்சம் கோடிகளில் கொண்டு போய் நிறுத்தியது மட்டும் சரியா என்ற மக்களின், 'டவுட்'டுக்கு என்ன பதில் வெச்சிருக்கீங்க...!


ஆர்.கே.நகர், எம்.எல்.ஏ., தினகரன்
: துணை முதல்வர் பன்னீர்செல்வம், முதல்வராக முயற்சி செய்கிறார். அதற்குத் தான், பிரதமர் என்னிடம் அதைச் சொன்னார்; இதைச் சொன்னார் என, கதை விடுகிறார்.
டவுட் தனபாலு: முதல்வராக ஆசைப்பட்ட சசிகலா, 'ஸ்டாலினை பார்த்துச் சிரித்தார்; பேசினார்'னு, பன்னீர்செல்வத்தின் மீது கதை கட்டினாரே, அது மாதிரியா... எப்படியாவது, பழனிசாமிக்கும், பன்னீருக்கும் மோதலை ஏற்படுத்திடணும்கற திட்டத்தில், இப்போ நீங்க துாபம் போடுறது, 'டவுட்'டே இல்லாமப் புரியுது...!

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை