'டவுட்' தனபாலு

பதிவு செய்த நாள் : அக் 16, 2018
Advertisement
 'டவுட்' தனபாலு

பா.ம.க., இளைஞரணி தலைவர் அன்புமணி:தமிழக அரசின் ஊழலை, மத்திய அரசு கண்டுகொள்ளாதது வேதனை. ஊழல் செய்வதும், கண்டுகொள்ளாமல் இருப்பதும் ஒன்றே.டவுட் தனபாலு: ஒரு வார்த்தை என்றாலும், திருவாசகமாகச் சொன்னீங்க... 'மத்தியிலும், மாநிலத்திலும், உங்க கூட்டணிக் கட்சிகள் ஆட்சியில் இருந்தபோது, எத்தனை தவறுகளை நீங்க தட்டிக்கேட்டீங்க... அப்படீன்னா, உங்களுக்கும் அவற்றில் பங்கு இருக்கு என்பதை ஒப்புக் கொள்றீங்களா'ன்னு, யாரும், 'டவுட்' எழுப்பிடப் போறாங்க...!---அ.தி.மு.க., அமைப்பு செயலர் பொன்னையன்: முதல்வர் மீதான வழக்கை, சி.பி.ஐ.,க்கு மாற்றும் உத்தரவை எதிர்த்து, லஞ்ச ஒழிப்புத்துறை மேல் முறையீடு செய்யும் என, நான் கூறவில்லை; மேல்முறையீடு செய்யலாம் என்று தான் கூறினேன்.டவுட் தனபாலு: முதல் நாள் பேசியதை, மறுநாள் மறுக்கணும் என்பதை, தலையாய கொள்கையாகவே வைத்து செயல்படுறீங்களோ... 'நீதிமன்ற உத்தரவை எதிர்த்து, லஞ்ச ஒழிப்புத்துறை, அப்பீல் போவணும்; அப்பீல் போவோம்'னு, அத்தனை கேமராக்கள் முன், தெள்ளத் தெளிவாகச் சொன்னீங்களே... என்ன பேசினோம் என்ற, 'டவுட்' இருந்தால், அவற்றை போட்டுப் பார்க்கலாமே...!---வருவாய் துறை அமைச்சர் உதயகுமார்: எதற்கெடுத்தாலும் நீதிமன்றத்திற்கு செல்லும் எதிர்க்கட்சிகள், மக்கள் மன்றத்திற்கு வர தயங்குகின்றன. முதல்வர் பதவி விலக கூறும் ஸ்டாலின், மக்கள் மன்றத்தை சந்திக்க தயாரா?டவுட் தனபாலு: 'வாய்க்கு வந்ததைப் பேசினால், வழக்கைச் சந்திக்க நேரிடும்'னு, வழக்கமா, ஆளும்கட்சி தான் எச்சரிக்கை விடுக்கும்... நீங்களோ, 'பேசித் தீர்ப்போம்'னு, சவால்கற பேர்ல, சமாதானத்துக்கு அழைக்குறீங்களே... வழக்குகளால், நிலைகுலைந்து போயிட்டீங்களோ என்ற, 'டவுட்' வருதே...!

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X